كتير من الناس ممكن ما يعجبهمش العنوان ده، بس أنا فاكر إنه رغم إنه مش مريح إلا إنه حقيقي؛ لأنه لما تويوتا طبقت نظامها "Toyota Production System" اللي اتحول بعدين لنظام "Lean Manufacturing"، كان الموضوع كله عن الثقافة؛ كان كله عن الناس وتغيير طريقة تفكيرهم وسلوكهم.
وحتى لو بعض المواضيع في كورسات اللين النهارده بتتكلم عن القيادة وتأسيس مفهوم التغيير الثقافي، إلا إن التركيز الأساسي دايماً بيبقى على الجانب التقني (اللي طبعاً مهم جداً) بس مش بيضمن نجاحك في رحلة اللين؛ يعني إنك تبقى Lean Black Belt معتمد مش معناه إنك تقدر تطبق اللين في مكان شغلك.
لازم تاخد مهارات تانية جنب معرفتك باللين عشان تقدر تعمل التحول.
دي 3 مهارات المفروض تكتسبها عشان تقدر تعمل تغيير باللين
|
مهارات القيادة. |
الصفة المهمة في القادة هي قدرتهم على كسب الناس، وده أهم حاجة محتاجها عشان تطبق التغيير — ناس بتؤمن بيك وبرؤيتك وبتتبعك عشان تحققها.
عشان تعمل كده، لازم يكون عندك رؤية واضحة وتوصلها بشفافية، ولازم كمان تسمع فريقك وتحفزه وتكون مدربه وقت ما يحتاج.
أكتر حاجة بتجذب الناس إليك هي إنك تورّيهم "إيه اللي فيه نفعهم هم"، لازم يكسبوا زيك ما بتكسب، بالطريقة دي هيبقوا دايماً متحفزين ويشتغلوا على نجاح رؤيتك.
|
الصبر. |
التغيير بياخد وقت، ولو استعجلته مش هتقدر تحقق اللي عايزه، هتبقى زي حد وزنه زاد فقرر يجوع نفسه عشان ينزل الزون ده في وقت قصير و طبعا ما قدرش يكمل كده فوزنه زاد تاني تاني وراح عليه كل مجهوده.
لو استعجلت التغيير فريقك هيبقة مضغوط و مشتت و هيبقة احسن لهم يفضلوا في منطقة الراحة.
|
المثابرة. |
لو الصبر ده عن الناس بتاعتك، المثابرة دي عنك إنت، لازم تاخد في بالك إنك بتعمل تغيير وده مهمة صعبة جداً، فلازم تقبل الفشل — فشل مؤقت — بس تفضل أهدافك في دماغك وتشتغل عليها ببطء بس بثبات.
لازم كمان تتوقع المقاومة، أحياناً بتكون محبطة بس لازم تبعد الإحباط جنب، تركز على أهدافك وتتعامل مع المقاومة دي.
حافظ على تحفيزك واحتفل بإنجازاتك الصغيرة، تقدر كمان تعمل شبكة دعم من ناس بتؤمن باللي بتعمله وهيدوك التوجيه والدعم أي وقت تحس إنك مش قادر تكمل.
"ابدأ وفي دماغك النهاية"
ده العادة التانية من كتاب "7 Habits of Highly Effective People" الكتاب الرائع لستيفن كوفي. العادة دي هتخليك متركز ومتحفز وتفضل تعمل اللي بتعمله مهما كانت العقبات.